„ქართული ხელნაწერი წიგნი“

მუდმივმოქმედი გამოფენა „ქართული ხელნაწერი წიგნი“ წარმოადგენს ხელნაწერთა ეროვნული ცენტრის მთავარ ექსპოზიციას.
გამოფენაზე მოსულ ვიზიტორს შესაძლებლობა აქვს მულაჟების მეშვეობით იმოგზაუროს ქართული ხელნაწერი მემკვიდრეობის სამყაროში VII საუკუნიდან XVIII საუკუნემდე. ექსპოზიცია იწყება ჩვენამდე სრული სახით მოღწეული პირველი ქართული ხელნაწერი წიგნით (VII ს.).

გამოფენაზე წარმოდგენილია მრავალფეროვანი თემატიკის ხელნაწერები:
ბიბლიური წიგნები
საერო ლიტერატურა
ასტროლოგია
ფილოსოფია

გამოსარჩევია ხელნაწერთა შექმნის და დაცულობის გეოგრაფიული არეალი: პალესტინა, სინის მთა, ტაო-კლარჯეთი, კონსტანტინოპოლის რომანას მონასტერი, აფხაზეთი და შიდა ქართლი.

გამოფენის გამორჩეული ექსპონატებია:
მეფე თამარის დაკვეთით გადაწერილი სახარება
მოქვის მონასტერში გადაწერილი და ოქროთი შემკული მოქვის ოთხთავი
მეფეების სოლომონ I-ისა და გიორგი XI-ის დაკვეთით გადაწერილი „ვეფხისტყაოსნის“ ნუსხები