მემორანდუმი ითვალისწინებს ორი დაწესებულების ურთიერთობის განვითარებას და თანამშრომლობას ერთობლივი პროექტების, გამოფენების, სამეცნიერო სემინარების ჩატარების გზით. აგრეთვე, მეცნიერების ურთიერთგაცვლას და მათ ჩართვას ერთობლივ სამეცნიერო-საგანმანათლებლო პროექტებში.

მემორანდუმს ხელი მოაწერეს კორნელი კეკელიძის სახელობის საქართველოს ხელნაწერთა ეროვნული ცენტრის დირექტორმა ზაზა აბაშიძემ და შოთა მესხიას ზუგდიდის სახელმწიფო უნივერსიტეტის რექტორმა ეკატერინე ანთიამ.